Description:
Ass n 30 deg yunyu, tettwahegga-d tmeɣra d tameqqrant sɣur tsuddut TQ5 deg yiswi n usselɣu n
yineɣmasen, n yirgazen d tlawin at tedrimt d tezmert tadamsant akked yiselwayen n tdukkliwin i d-yerzan
seg yal tama n umaḍal ama seg Quebec, Montréal, Ottawa-Gatineau, timura yeddukklen n
Marikan (Québec,Montréal,Ottawa-Gatineau,USA) ɣef usebded unṣib n tiliẓri taqbaylit “TQ5 TV”.
Ass-nni dɣa, yeɣli-d d tameɣra n umulli wis 150 n tmurt n Kanada (1u n yulyu 2017).
Imttekkiyen deg uslali d usnulfu n tiliẓri TQ5, ɛeddan-d wa deffir n wa, iwakken ad d-fken tamuɣlinsen
d wawal-nsen ɣef usenfar n tiliẓri-ya tamezwarut ara d-yilin s ugbur d aqbayli.
Axxam n usnezwi n TQ5 ad d-yili deg temdint n Muntriyal (Montréal) deg Kibak (Québec), tamdint-a
d tis snat deffir n Toronto deg wayen i yerzan taččarin s yemdanen, ddeqs n yiqbayliyen la
izedɣen deg-s, dɣa, d tamdint tis snat anda i zedɣen s waṭas yiqbayliyen deffir n “Paris”.
Tanemmirt d tameqqrant i Kamal Harani i tewlafin i yega (ara tafem da), ad nesnemmer daɣen
Lmehdi At Muxṭar n “Taddart Nnegh” akked Husin Belahǧel n “Belmedia” i usekles n tbidyutin deg
tmeɣra-ya. TQ5 ad tesnemmer aneɣmas Brahim Gater ɣef umagrad i yura ɣef tmeɣra-ya deg uɣmis
“Matin Dz”, ad tesnemmer daɣen taneɣmast Sabrina Buɛǧama ɣef idiwenniten i tga i wid i d-yusan
ɣer tmeɣra-ya iɣef ara yecfu umezruy.
Idiwenniten-nni ad ten-tafem da : https://www.youtube.com/watch?v=OQvDCysrqBw
