Deg tagara n tuber 2017 nberreḥ-d ɣef ugensa i awen-d-nefren. Maca tuget deg-wen i aɣ-d-yennan dakken tuṭṭfa n ugensa-nni mačči dayen isehlen .  Dayen i aɣ-yeǧǧan ad nbeddel agensa akken ad nesefreḥ wid yettraǧun tiliẓri TQ5 s ccuq. Mačči dayen isehlen acku annect-a yeggra-d s ugar n umeṣruf.  Ass-a 08 yennayer 2018, s tumert muqqren ad awen-d-nini dakken afran n ugensa yekfa. Isem-is akked yisefka-is atnan deg tugna i d-nsedda.  Akken twalam tuṭṭfa  n tiliẓri TQ5 ad tili baṭṭel deg tmurt n yiqvayliyen akked tmazɣa. I wakken ad nerr azal n umeṣruf ɣef tiliẓri-a, nettkel ɣef yiqvayliyen yettidiren beṛṛa n tmurt ad snezdin s wudem n streaming neɣ VOD.  Ladɣa di Franṣa, TQ5 ad tili s wudem n unamad FREE (inamaden-nniḍen ad d-ḍefren sya ɣer sdat). Nettkel aṭas ɣef yiqvayliyen d imaziɣen n Franṣa akken ad snezden s tuget. dayen ara yeǧǧen TQ5 ad ttidir i lebda.  Du leqrar ad tezrem belli aṭas n wafud i nefka i wakken ad nili newǧed i wass n umenzu n Yennayer 2968 (akken i awen-reggem acḥal aya). Ihi ad twalim TQ5 ass n 12 yennayer 2018 ɣef 00:00 (tasaεet  « asrag » n tmurt n yiqvayliyen).  Am yal tiliẓri tamaynut, ad tili talit n ukayad neɣ n tirmit s wahil ara yettezin.

TQ5 Media inc.

Talqayt:

Tamurt n iqvayliyen  akked Tmazɣa :

Agensa: Badr-5

Aḥbu Addud: 26 tafesna n usamar

Asnagar: 12 303 MHz

Asfayli: H